شعر ترکى صفحه 3

Azeri · 10th March 2010

[فقط كسانی ميتوانند لينكها را مشاهده كنند كه عضو سايت باشند. ]

اذن وئر توي گئجه سي من ده سنه دايه گليم
ال قاتاندا سنه مشاطه ، تماشايه گليم
سن بو مهتاب گئجه سي سئيره چيخان بير سرو اول
اذن وئر ، من ده دالينجا سورونوب سايه گليم
منه ده باخدين او شهلا گوزونله ، من قارا گون
جرئتيم اولمادي بير كلمه تمنايه گليم
من جهنم ده ده باش ياسديقا قويسام سنيله
هئچ آييلمام كي دوروب جنت مآوايه گليم
ننه قارنيندادا سنله آكيز اولسيديم اگر
ايسته مزديم دوغولوب بيرده بو دونيايه گليم
سن ياتيب جنتي رؤياده گؤرنده گئجه لر
من ده جنتده قوش اوللام ، كي او رؤيايه گليم
قيتليغ ايللر ياغشي تك قورويوب گؤز ياشيميز
كوي عشقينده گرك بيرده مصلايه گليم
سن ده صحرايه مارال لار كيمي بير چيخ ، نولي كي
من ده بير صيده چيخانلار كيمي ، صحرايه گليم
آللاهيندان سن اگر قورخموييب ، اولسان ترسا
قورخورام من ده دؤنوب دين مسيحايه گليم
شيخ صنعان كيمي دونقوز اوتاريب ايللرجه
سني بير گؤرمك اچون معبد ترسايه گليم
يوخ صنم! آنلاماديم ، آنلاماديم ، حاشا من
بوراخيم مسجيديمي ، سنله كليسايه گليم!
گل چيخاق طور تجلايه ، سن اول جلوه ي طور
من ده موسي كيمي ، او طوره تجلايه گليم
شيردير (( شهريار )) ين شعري ، الينده شمشير
كيم دئيه ر من بئله بير سيرله دعوايه گليم؟

شهریار - آذر آيي1353

Azeri · 11th March 2010

آرپا چايي آشدي داشدي*سئل ساراني آلدي قاشدي***رود آرپــــــــــا طغيان کــــــــــــرد و ســـــــيل ساراي را با خود بـــرد

جوت باجي نين گؤزو ياشدي*آپاردي سئللر سارانـــي***چشم هاي خواهر دوقلويش پر از اشک است سيل ساراي را برد

بيـــــــــــر بويلو بالاني يک دختر زيبـــــــــــا را

گئدين دئيين خان چوبانا*گلمه سين بــو ايـــــل موغانا***برويد و به خـــــــان چوپان بگوييد امســـــــــال به مغان نيايد

گلــــــــسه باتار ناحـــــق قانا*آپاردي سئللر ســــاراني***اگر بيايد به خون نا حق آغشته ميشود سيل ساراي را برد

بيــــــــــــر بويلو بالاني يک دختر زيبـــــــــــا را

آرپا چايي درين اولماز* آخار ســـــــــولار ســـرين اولماز***رود آرپا عميق نمي شود آبهايي که از آن جاري ميشود سرد نمي شود

سارا کيمي گلين اولماز* آپاردي سئللـــــر ســــــاراني***عروس و خانمي مانند ساراي نمي شود سيل ها ســـــــــــاراي را بردند

بيــــــــــــر بويلو بالانييک دختر زيبــــــــــــا را

farhad30 · 11th March 2010

يار آغلادي . من آغلاديم

يارين بويون قوجاقلاديم . يار آغلادي من آغلاديم

ييغيشدي قونشولار بوتون . جار آغلادي من آغلاديم

باشيندا قار قالان داغا . دانيشديم آيريليق سو زون

بير آه چئكيب باشيندا كي . قار آغلادي من آغلاديم

طاريمدا نار آغا جلاري . مني گوروب دانيشديلار

بويومو زيتون اوخشادي . نار آغلادي من آغلاديم

ائلئي كي اسدي بير خزان . تالاندي گوللريم منيم

خبر چاتينجا بولبوله . خار آغلادي من آغلاديم

اورك سوزون دئديم تارا . سيملر اولدو پارا پارا

ياواش ياواش سيزيللادي . تار آغلادي من آغلاديم

دئديم كي حق منيمكيدي . باشيمي چئكديلر دارا

طناب كسنده بوينومو . دار آغلادي من آغلاديم

فرهاديم بويوم بالا .غم سينه مده قالا قالا

يار جانيمي آلا آلا . يار آغلادي من آغلاديم

تنها

Azeri · 12th March 2010

بير گؤيرچين کيمي دن سيزليگه دؤزمه ز-دؤزمه ز
اوره ييم سينه ده سن سيزليگه دؤزمه ز-دؤزمه ز
نه قدر يئل کيمي اولسا دولانار کن يورولار
يولچولار تک بو وطن سيزليگه دؤزمه ز-دؤزمه ز
آيريليق دردي چتين دير بو زاماندا گؤزه ليم
داغ کيمي اولسادا چن سيزليگه دؤزمه ز-دؤزمه ز
نه قدر اينينه توخدورسا تيکان عيب ائله مز
یئنه کوشاندي گون سيزليگه دؤزمه ز-دؤزمه ز
نئجه کي سئوگيليمين يوخلوغونا دؤزمه ميشم
بيليرم سئوگيده من سيزليگه دؤزمه ز-دؤزمه ز

Azeri · 13th March 2010

Qısqanıram

Gülüm səni yerə göyə dağa bağa qısqanıram

Gözəl səsin hər eşidən cüt qulağa qısqanıram

Girdiyin o paltarına başındaki papağına

Saçlarına çəkdiyin cansız darağa qısqanıram

Səni görən hər adama Anan Atan qardaşına

Öpdüyün o beş altı aylıq uşağa qısqanıram

Yar səni mən dər duvara yaşadığın utağına

Hətta deyim yatdığın isti yatağa qısqanıram

Baxdığın hər bir yanağa qucaqlayan hər qucağa

Səni öpən hər kim ola o dodağa qısqanıram

Dediklərim çoxu şaka azı doğru amma səni

Bir mənə tay qısqanc aşiqin olmağa qısqanıram

Şair : Vəhid Şükürzadə

قیسقانیرام

گولوم سنی یئره گؤیه داغا باغا قیسقانیرام

گوزل سسین هر ائشیدن جوت قولاغا قیسقانیرام

گیردیین او پالتارینا باشینداکی پاپاغینا

ساچلارینا چکدیین جانسیز داراغا قیسقانیرام

سنی گؤرن هر آداما آنان آتان قارداشینا

اوپدویون او بئش آلتی آیلیق اوشاغا قیسقانیرام

یار سنی من در دووارا یاشادیغین اوتاغینا

حتی دییم یاتدیغین ایستی یاتاغا قیسقانیرام

باخدیغین هر بیر یاناغا قوجاقلایان هر قوجاغا

سنی اوپن هر کیم اولا او دوداغا قیسقانیرام

دئدیکلریم چوخو شوخلوق آزی دوغرو آما سنی

بیر منه تای قیسقانج عاشیقین اولماغا قیسقانیرام

شاعیر : وحید شکرزاده

منبع : [فقط كسانی ميتوانند لينكها را مشاهده كنند كه عضو سايت باشند. ]

farhad30 · 14th March 2010

گؤره ره م سئوگیلیمی هریانا باخسام گئجه لــــــه ر

یاتا بیلمم بی گؤنی یاری بوراخسام گئجه لــــــــــه ر

یاری گؤردیکجه اؤره ک چیرپینیر هریان قارالیـــــــــــر

عجیب اولماز گؤزؤمؤن یاشی تک آخسام گئجه لـه ر

[فقط كسانی ميتوانند لينكها را مشاهده كنند كه عضو سايت باشند. ]

[فقط كسانی ميتوانند لينكها را مشاهده كنند كه عضو سايت باشند. ]

[فقط كسانی ميتوانند لينكها را مشاهده كنند كه عضو سايت باشند. ]

farhad30 · 14th March 2010

اولدوز ساياراق گوزلميشم هر گئجه ياري

گج گلمه دير يار يئنه اولموش گئجه ياري

گوزلر آسيلي يوخ نه قارالتي نه ده بير سس

باتميش قوغلاريم گور نه دوشور مكده دي داري

بير قوش آييغام سويليه رك گاهدان اييلده ر

گاهدان اونودا يئل دئيه لاي لاي هوش آپاري

ياتميش هامي بير آللاه اوياقدير داها بير من

منده آشاغي كيمسه يوخ اوندان دا يوخاري

قورخورم بودي يار گلمه يه بيردنه ياريلا صبح

باغريم ياريلار صبحدم آچيلما سني تاري

دان اولدوزي ايسته ر چيخا گوز يالواري چيخما

او چيخماسادا اولدوزو مون يوخدي چيخاري

گلمز تانيرام بختيمي ايندي آغارار صبح

قاش بيله آغارديقجا داها باش دا آغاري

عشقين كي قراريندا وفا اولمياجاقميش

بيلمم كي طبعيت نيه قويموش بو قراري ؟

سانكي خوروزون سون باني خنجردي سوخولدي

سينه مده اورك وارسا كسيب قيردي داماري

ريشخند له قير جاندي سحر سويله دي دورما

جان قورخوسي وار عشقين اتوزدون بو قماري

اولدوم قره گون آيريلالي اوساري تئلدن

بو نجا قره گونلردي ايدن رنگيمي ساري

گوز يا شلاري هر يئردن آخارسا مني توشلار

دريا يه باخار بللي دي چايلارين آخاري

از بس مني ياپراق كيمي هجرانلار سارالديب

باخسان اوزونه سانكي قيزيل گولدي قيزاري

محراب شفقده ئوزومي سجده ده گوردوم

قان ايچره غميم يوخ اوزوم اولسون سنه ساري

عشق واريدي شهريارين گللي چيچكلي

افسوس قارا يل اسدي خزان اولدي بهاري

[فقط كسانی ميتوانند لينكها را مشاهده كنند كه عضو سايت باشند. ]

[فقط كسانی ميتوانند لينكها را مشاهده كنند كه عضو سايت باشند. ]

[فقط كسانی ميتوانند لينكها را مشاهده كنند كه عضو سايت باشند. ]

Azeri · 15th March 2010

یار کوچه سی

بیـر دیل قانـماز اؤره گیـم وار کی گتیــریب دی زارا منی دئیــیــر گـــره ک یئتـــیـــره سن او جـفـــالی یــــارا منی

مـنی یـوروب باتمیش سسی ، فقط اولوب زمـزمه سی یــار کوچه سی یـار کوچـه سی ، گؤر آپـاریـر هارا منی؟

گــؤرور سن کی گئـــجه یــاری، بــاشـــلانیــری ادا لاری نَــه دین قانیر نَـه ده تـــاری ، ایستیـر قـویـــا بــــارا منی

دئییــره م کی اونــو بــوراخ ، اونــدان سنه یانماز چیــراغ یـانا یــانا چــ*** بیــر آخ ، ائــدیـــر گـــونی قـــارا مـــــنی

دئییـــر آراز قیـــراغیــندا ، بیـــر قونــچا گـــول دوداغیـندا بیـــر جُــوت لاله یــانـاغیندا ، سسـلــه ییــری سارا منی

دئییره م کی باشی داشلی ، نه قالیبسان گؤزو یاشلی چوخ گؤزه ل وار قلم قاشلی ، چکمه هی هی اورا منی

بیـریـنی سئو چوخدا مارال ، کیپریگی اوخ، قاشی هلال گـؤزو دئسـین دردیـمی آل، تئــلی دئسیــن دارا منــــی

دئیـــیر اورا چــکمه ســؤزو، گره ک اولا یــــاریـــــن اؤزو اینــدی ده لاپ ســــؤزون دوزو ، یئنـه قویـوب زورا منی

یـــار کوچه سی صفالیــدیر ، حئییف یـــاریـــم جفالیدیر

چــــون کی قلبـــیم وفـــالیدیر فلـــک سالیب تـورا منی.

عبدالعلی آیرملو ( وفـــا)

farhad30 · 25th March 2010

تورکی بیر چشمه ایسه من اونی دریا ائله دیم

بیر سویوق معرکه نی محشر کبری ائله دیم

بیر ایشیلتی دی سها اولدوزی تک گؤرسه نمه ز

گؤز یاشیملا من اونی عقد ثریا ائله دیم

امیدیم وار کی بو دریا هله اقیانوس اولا

اونا ضامن بو زمینه کی مهیا ائله دیم

تؤرکی واللاه آنالار اوخشاقی لایلای دیلی دیر

دردیمی من بو دوا ایله مداوا ائله دیم

[فقط كسانی ميتوانند لينكها را مشاهده كنند كه عضو سايت باشند. ]

[فقط كسانی ميتوانند لينكها را مشاهده كنند كه عضو سايت باشند. ]

[فقط كسانی ميتوانند لينكها را مشاهده كنند كه عضو سايت باشند. ]

farhad30 · 13th April 2010

آختارديم . آراشديم . بو گوزه ل جانلار ايچينده

سئوديم سني جانيم كيمي جانلار ايچينده

طوفان قوشو تك حادثه لر قارشينا چيخديم

گوردوم سينه مي . نعره لي طوفانلار ايچينده

hستاد شيدا


صفحه اصلی \| تلویزیون اینترنتی \| فال حافظ شیرازی \| پنل ارسال SMS از اینترنت \| سنجش تمرکز شما \| شهر بازی \| تبليغات \| تماس با مدیران انجمن ها

جدیدترین موضوعات انجمنها دانلود تولبار جی تاک